×

Кошничка

Вашата кошничка е празна.




Доктор Проктор и големата кражба на злато

Доктор Проктор и големата кражба на злато

Ју Несбе


Издавач: Паблишер
Автор: Ју Несбе
ISBN: 9786084892359
Жанр: Приказни што нè обединуваат
Провери достапност во продавниците
Достапност во продавниците
Книжарница ТРИ Веро Центар Достапно
Книжарница ТРИ ГТЦ Достапно
Книжарница ТРИ Дебар Маало Достапно
350 ден.

Кога озлогласените браќа Кранч ќе ја ограбат државната резерва на злато, а за неколку дена доаѓа инспекција од Светската банка, норвешкиот крал мора да донесе брза одлука – кој може да ја спаси земјата од сиромаштија и од голем срам? Единствените достојни за таа тешка и одговорна задача се доктор Проктор, Буле и Лисе, кои веќе го имаат спасено светот и од други катастрофи. И така, славната тројка заминува за Лондон. Таму ги среќава специјалните агенти на Скотланд јард и од нив добива тајни инструкции.

Буле се инфилтрира во бандата Кранч и успева да дознае дека златото е во рацете на рускиот милијардер Рублов, кој сака од него да го направи трофејот за Фудбалскиот куп. По неуспешниот обид за провала во сефот, тие мора да им се приклучат на најлошите фудбалери на светот и да им помогнат да го освојат Купот. Па малку со помош на лукав план, малку со волшебната чизма и ракавица, а на крај и со прдонаутскиот прав на доктор Проктор – аутсајдерите на Ротенхем имаат шанса да го освојат трофејот, првпат во своето стогодишно постоење!

Победничка комбинација од хумор и авантура што веднаш ќе ве освои!

Ју Несбе

Ју Несбе

Ју Несбе (1960) е современ норвешки писател, музичар и економист, водечки автор на криминалистички романи и трилери во Европа. Дипломирал економија и бизнис- администрација во 1986 година, работел како берзански брокер и новинар, бил фудбалер, пејач во рок-бендот Ди дере. Најпознат е по серијата трилери за детективот Хари Хуле, преведени на педесет јазици и продадени во над 33 милиони примероци. Автор е и на серијалот за деца Доктор Проктор – првата книга излегува во 2007 година, а по неа следуваат уште 4 забавни авантуристичко-детективски романи за деца и млади. Серијалот за доктор Проктор доживува голема популарност во Норвешка и брзо добива и своја филмска верзија. Објавил и неколку збирки раскази: Музиката од каруселот (Karusellmusikk, 2001; издава и музички албум со истиот наслов), Островот на стаорци и други раскази (2021), како и повеќе самостојни романи: филмуваниот Ловци на глави, потоа Макбет, Синот, Кралството, Белиот хотел.

 Ју Несбе несоменено е невообичаено надарен автор со одлични познавања од психологијата, кој освoјува не само со мајсторскиот стил туку и со сижејните линии што секогаш изненадуваат.Читателот низ неговите романи ги следи трагите во бруталниот свет полн со злосторства, онака како што тоа го прави инспекторот Хари Хуле. Несбе го користи традиционалниот начин на пишување детективски роман, ја разгорува жедта за непознатото преку познатото. Неговите непридвидливи чекори ги комплетираат очекувањата и квалитетите што еден роман го прави трилер. Името на Несбе е првото што ќе го здогледате во книжевниот свет на 21 век на полиците меѓу трилерот, мистеријата и злосторството. Критичарите од целиот свет му оддаваат признание за збогатување на криминалистичкиот жанр.

 Меѓу најпознатите дела му се Лилјакот (1997, првиот роман од серијата за Хари Хуле, кој ја добива наградата Стаклен клуч за најдобар скандинавски детективски роман, како и меѓународната награда Ривертон за најдобар криминалистички дебитантски роман), Црвеношијка (2000, Роман на годината на Здружението на книжари на Норвешка за 2000 г.; прогласен за најдобриот норвешки криминалистички роман на сите времиња), Соломоновиот знак (2003, награда на Финската академија), Снешко (2007, Роман на годината за 2008), како и серијата романи за деца и млади Доктор Проктор (награда на Асоцијацијата на норвешките критичари за најдобар роман за деца и млади за 2010). Други познати романи му се Оклопно срце (2009), Сеништето (2011), Жед (2017), Полноќно сонце (2017) итн. Има основано фонд за помош за описменување на земјите од Третиот свет, на кој му го има заветено своето наследство. Живее и работи во Осло.

Види повеќе