| Достапност во продавниците | |
|---|---|
| Книжарница ТРИ ГТЦ | Достапно |
Многу одамна, во некое неодредено претхристијанско време, младиот Хизминиј е избран со ждрепка да биде свечен Гласник на Ѕевс во измислениот грчки град Авликомид. За време на тридневниот престој, домаќин му е еден богат граѓанин по име Состен. Состен има убав дом, уште поубава градина и најубава ќерка – Хизмина. Таа се вљубува во Хизминиј по само еден поглед; тој во неа – по еден ден.
Според обичајот, на крајот од престојот Хизминиј е должен да се врати назад во својот роден град, Еврикомид, и таму да ги угости дотогашните домаќини во домот на своите родители. Во тајноста на една од неговите одаи, љубовта меѓу Хизмина и Хизминиј се продлабочува. И токму тогаш, сосема неочекувано, Состен објавува дека ја ветил ќерка си на некое беспрекорно момче од Авликомид и ги кани своите домаќини на свадба.
Хизмина и Хизминиј решаваат итно да го напуштат градот. Но, не можат да знаат, додека се качуваат на брод за Сирија, дека таа вечер Посејдон ќе биде суров и гневен. И не можат да знаат дека единствен начин да го смилостиват e да му принесат жртва. Човечка жртва.
----------------------------------------------------------------------------------------------------------------------------------------------------------------------------
Еден од четирите романи составени во Византија за време на владеењето на Комнините (1081–1185), Хизмина и Хизминиј е роман за желбата и должностите, за судбината и страста, како и за неумоливата моќ на Ерос, момчето-бог на љубовта, пред кого омекнуваат и најхрабрите срца и пред кого се поклонуваат денот, ноќта и сите владетели и господари на морето, земјата и небото.
Веб страницата користи колачиња за да ви овозможиме најдобро можно корисничко искуство. Со продолжување на користењето на нашата интернет страница ја прифаќате употребата на колачиња (cookies).
Се согласувам
