| Достапност во продавниците | |
|---|---|
| Книжарница ТРИ ГТЦ | Достапно |
Париз, јуни 1815
Присилена од наредбата на корумпираниот министер, Мариен Бонард се согласува да подметне докази во канцелариите на најозлогласениот француски шпион. Прикриена од темнината во ноќта, убавата Мариен ја користи својата вештина и тивко оди по акробатската жица што води до прозорецот на шпионот. Но, додека светлината на месечината го осветлува движењето на нејзиното витко тело, Николас Валет, познатиот и згоден шпион, ја набљудува нејзината неверојатна изведба. Пред да пристигне, Николас изненадувачки ја пречекува на прозорецот, а Мариен нема друг избор освен да се предаде на својата мета, во прегратката и цврстите раце на Николас.
Во моментот кога Мариен ќе влезе низ прозорецот, нејзиното тело трепери, не само од страв туку и од страста што ја чувствува кон елегантниот Николас, но и од предлогот што тој ѝ го нуди. Восхитен од способностите на очекуваната натрапничка, Николас веднаш ѝ смисли задача за својата следна мисија. На почетокот Мариен не сака да се впушти во таква акција, но потоа наоѓаат заеднички непријател и тоа силно ќе ја поттикне да соработува со Николас. Иако за Николас ова ќе биде како да се обидува да припитоми диво животно, каков е тој живот ако не се преземе нималку ризик?! На крајот на краиштата, и двајцата подеднакво сакаат едно исто нешто: вкусот на одмаздата. Или можеби вкусот на нешто уште повозбудливо…
Веб страницата користи колачиња за да ви овозможиме најдобро можно корисничко искуство. Со продолжување на користењето на нашата интернет страница ја прифаќате употребата на колачиња (cookies).
Се согласувам
