| Достапност во продавниците | |
|---|---|
| Книжарница ТРИ ГТЦ | Достапно |
| Книжарница ТРИ Дебар Маало | Достапно |
| Книжарница ТРИ Веро Центар | Достапно |
Марија Ѓорѓиева-Димова, како едно од водечките имиња на актуелната книжевно-теориска и книжевно-критичка сцена, преку своите дванаесет исклучителни компаративни студии поместени во четири „каталози“, ни нуди длабок, прецизен, строг, но и сеoпфатен увид во калеидоскопот на македонската книжевност од крајот на XX и почетокот на XXI век. Суштински упатена во стожерните подвижници на теориската мисла, таа со мајсторска вештина и со усет за нијансите ги чита и ги толкува, ги анализира и ги вреднува како веќе утврдените „класици“ така и најновите бисери на македонската литература за кои книжевната критика речиси воопшто се нема изјаснето.
Со креативна и инвентивна примена на книжевната теорија во толкувањето на делата, таа ги втемелува своите студии врз оригинален потход и систем: по теориската контекстуализација се преминува кон исцрпна елаборација на интерпретативната рамка, која е до збор доследно применета врз херменевтичките исчитувања на книжевните творби, што редовно кулминира со снајперски прецизни теориски согледби и синтези кои ни овозможуваат далеку подлабоко да ги доживееме анализираните дела.
Владимир Мартиновски
Веб страницата користи колачиња за да ви овозможиме најдобро можно корисничко искуство. Со продолжување на користењето на нашата интернет страница ја прифаќате употребата на колачиња (cookies).
Се согласувам
