×

Кошничка

Вашата кошничка е празна.




Започнете со купување
Жените што трчаат со волците

Жените што трчаат со волците

д-р Клариса Пинкола Естес


Издавач: Антолог-Боокс ДООЕЛ
Автор: д-р Клариса Пинкола Естес
ISBN: 9786082437071
Жанр: Есеи и колумни
Провери достапност во продавниците
Достапност во продавниците
Книжарница ТРИ Дебар Маало Достапно
Книжарница ТРИ Веро Центар Достапно
Книжарница ТРИ Ист Гејт Нема на залиха
Книжарница ТРИ ГТЦ Достапно
850 ден.

Во секоја жена има диво и природно суштество, моќна сила исполнета со добри инстинкти, страсна креативност и безвремено знаење. Името ѝ е Дивата Жена, но таа е загрозен вид. Иако се раѓаме со дарбите на дивата природа, обидот на општеството да нè „цивилизира“ во крути улоги го грабнал ова богатство и ги замолчел длабоките, животворни пораки на нашите сопствени души. Без Дивата Жена, стануваме премногу припитомени, страшливи, некреативни, заробени.

 „Жените што трчаат со волците: митови и приказни за архетипот на Дивата Жена“ (1992) се смета за еден од класиците на феминизмот. Тоа е дело што функционира како хибрид на феминистичка антропологија, етнологија и психоанализа. Во него авторката користи богати интеркултурни митови, бајки и приказни, со цел да им помогне на жените повторно да се поврзат со својата инстинктивна природа. Преку приказните и коментарите на авторката се истражува, се анализира и се објаснува митот за Дивата Жена и се создава нов лексикон за опишување на женската психа. Авторката верува дека здравјето, среќата и целоста на жената зависат од нејзиното враќање кон изворите на нејзината потисната природа, и ова го објаснува врз основа на интерпретација на значењето на некои традиционални приказни од северноамериканскиот, јужноамериканскиот и од европскиот фолклор.

Во книгата има шеснаесет поглавја, секое посветено на некој особен аспект на женското искуство – врските, креативноста, лутината, спиритуалноста, припаѓањето итн. Во поговорот, авторката зборува и за терапевтската функција на приказните, надоврзувајќи се така и на традиционалните начини на прекугенерациско пренесување на женската историја и искуство.

 

д-р Клариса Пинкола Естес

д-р Клариса Пинкола Естес

Клариса Пинкола Естес (1945) е американска поетеса, психоаналитичарка и кантадора, чуварка на оралните приказни во латиноамериканската традиција. Има домородно американско и мексиканско потекло, а била усвоена од имигрантско и бегалско семејство со унгарско потекло. Работи како клинички психоаналитичар со специјалност за посттрауматски состојби. Има докторат по етноклиничка психологија, со посебен акцент на домородната историја. Работела и како терапеврт на терен, со преживеани од природни катастрофи и од други трагични настани. Естес е активистка и за социјална правда. Авторка е на многу дела, преведувана е на повеќе од триесет јазици, а нејзината книга „Жените што трчаат со волците: митови и приказни за архетипот на Дивата Жена“ била на списокот на најпродавани книги на „Њујорк тајмс“ цели 145 недели. Првото издание на книгата од 1992 година е продадено во над два милиона примероци.

Види повеќе

Можеби ќе ве интересира




Веб страницата користи колачиња за да ви овозможиме најдобро можно корисничко искуство. Со продолжување на користењето на нашата интернет страница ја прифаќате употребата на колачиња (cookies).

Се согласувам