Стив Кавана :: Книга.мк :: Издавачки Центар ТРИ

Стив Кавана

Стив Кавана е современ ирски романсиер и адвокат. Роден е во 1976 година, во Белфаст. На осумнаесетгодишна возраст заминал за Даблин, каде што дипломирал право. Се занимава со граѓанско право и има учествувано во неколку големи правни случаи. Во 2010 година застапувал еден работник во фабрика кој бил малтретиран на работното место поради својата расна припадност, при што го добил случајот со највисоко обесштетување за расна дискриминација во правничката историја на Северна Ирска. Има сертификат за напредно застапување и држи предавања на различни теми од правната област.

Автор е на 10 романи, сите во најтесна конкуренција за престижни награди. Првиот роман од серијалот за Еди Флин, Одбрана, го објавува во 2015 година. Неговиот роман Лажго ја освои наградата Златнa кама на Здружението на криминалистички автори (CWA) за 2018 година, а романот Тринаесет во 2019 година беше прогласен за Криминалистички роман на годината. Заплеткано се најде на списокот десет најпродавани наслови на Сандеј тајмс. Сите негови романи за Еди Флин се преведени на повеќе јазици и се објавени во над дваесет земји.

Кавана е во брак и има две деца. За повеќе информации, посетете го неговиот веб-сајт или следете го на Фејсбук и на Твитер.

www.stevecavanaghauthor.com

SSCav1

@SSCav

Кошничка

Вашата кошничка е празна.