| Достапност во продавниците | |
|---|---|
| Книжарница ТРИ ГТЦ | Достапно |
| Книжарница ТРИ Дебар Маало | Достапно |
Во Новото патување на Малиот принц, осум децении подоцна, Елој Морено не само што му оддава почит на бесмртниот класик на Антоан де Сент-Егзипери туку и го осовременува, за да нè потсети дека, дури и во сложениот современ свет во кој живееме, она што навистина е важно и натаму останува невидливо за нашите очи.
Во приказната, настраданиот пилот се навраќа на својата прва средба со Малиот принц, за кого не знае дали навистина постоел или бил сон. Токму во тој миг, меѓу сонот и јавето, тој повторно му се појавува, овој пат барајќи од него да му нацрта крт за да ги јаде корените на баобабите и со тоа да спречи да му ја уништат планетата.
Така започнува новото патување на Малиот принц, во кое спомените од претходното патување се испреплетуваат со авантурите што овој пат му ги раскажува преку потрагата по кртот.
На едноставен и суптилен начин, авторот извонредно ги прикажува големите проблеми со кои се соочува нашето општество, како осаменоста и рамнодушноста кон страдањето на другите, преку пријателството и емпатијата како водечки нишки што ја поврзуваат целата приказна. Притоа, нè поттикнува да размислуваме колку е важно да знаеме да сакаме и да се сакаме себеси, да бидеме покрај другите, да ја цениме мудроста на книгите и да научиме да го гледаме животот од перспектива на децата.
Според зборовите на самиот автор, ова е еден од најважните проекти во неговата кариера: „Нешто толку големо, а сепак толку нежно, толку убаво, а толку силно, возбудливо како целиот универзум.“
Елој Морено (1976) е шпански писател. Студирал компјутерски менаџмент и работел во компјутерска компанија. Поради големата љубов кон книжевноста својот прв роман го објавил самостојно и го продал во повеќе од 200 000 примероци. Подоцна објавува уште неколку романи, од кој најпознат е Невидлив (2018). Автор е и на тритомно дело наменето и за возрасните и за децата, веќе прифатено како лектира во многу образовни центри. Сакајќи да им помогне на младите писатели во 2016 година започнал курс за самостојно издаваштво.
Види повеќеВеб страницата користи колачиња за да ви овозможиме најдобро можно корисничко искуство. Со продолжување на користењето на нашата интернет страница ја прифаќате употребата на колачиња (cookies).
Се согласувам
