×

Кошничка

Вашата кошничка е празна.




Облогот

Облогот

Станка Бајлозова-Барламова


Издавач: ТРИ
Повез: Мек повез
Јазик: Македонски
Година на издавање: 2025
Број на страници: 258
Димензија: 12 x 20 cm
Автор: Станка Бајлозова Барламова
ISBN: 9786082810409
Жанр: Кратки раскази
Провери достапност во продавниците
Достапност во продавниците
Книжарница ТРИ ГТЦ Достапно
Книжарница ТРИ Веро Центар Достапно
Книжарница ТРИ Дебар Маало Достапно
350 ден.

Овие се приказни кои без проблем ги минуваат границите на македонскиот јазик и излегуваат надвор и од македонската книжевна сцена. Ако нѐ води мислата на Жан Пол Сартр дека „Зборовите се наполнет пиштол“, тогаш приказните што ги раскажува Станка Бајлозова-Барламова се пиштол што може да ти ја разнесе и мислата и душата. „Ако си осамен кога си сам, тогаш си во лошо друштво“, вели Сартр. Во какво друштво се ликовите од збирката „Облогот“?

Во меѓувреме Станка Бајлозова-Барламова ферментираше како автор. Ферментираше и нејзиниот стил. Се разви нејзината приказна. И нејзе (и на авторката и на приказната) ѝ / им стана тесно во сокачето на македонската книжевна сцена, иако од неа учи како да им даде глас на семантички полните имиња, како Посебољуб Инаетовски, Огнен Воденов или Игла Остроумовска, иако од неа ја наследува и магичната атмосфера што ја носат расказите на Петре М. Андреевски и Живко Чинго.

„Постојат книги кои што сами по себе инсистираат да ви го променат животот“, запишува старицата во својата тетратка по прочитаниот роман што утрото ѝ го подарува мајсторот во еден од расказите на оваа збирка. Можеби токму „Облогот“ е една таква книга. А, што велите? Да се обложиме дека е така?

Весна Мојсова-Чепишевска

Станка Бајлозова-Барламова

Станка Бајлозова-Барламова

Станка Бајлозова-Барламова (6.2.1993) е современа македонска писателка. Дипломирала на Филолошкиот факултет „Блаже Конески“ во Скопје, на Катедрата за македонска книжевност и јужнословенски книжевности. Работи во Домот на култура „25 Мај“ во Валандово.

Во 2017 г. ја објави својата прва книга есеи и критики „Студентски портрет“, а во 2021 г. ја објави книгата раскази „Силуети“.

Во 2023 година Општина Валандово ѝ го додели признанието „6 Ноември“ за монографијата „50 години распеани валандовчани“. Ги има добиено наградата за најдобар расказ на литературниот конкурс на манифестацијата „Денови на Мајка Тереза“ (2023), трета награда за расказ на литературниот конкурс „Раскажувам фотографија“ од Меморијалниот центар на холокаустот на Евреите во Скопје (2024).

Од книгата „Облогот“ неколку раскази се објавени на англиски јазик низ повеќе списанија и антологии надвор од Македонија:

1. „Книгата“ – во списанието The Mockingowl Roost

2. „Баклава“ – во списанието Aether Avenue Press и во антологијата In Stitch in Space Time во Индија

3. „Дисперзирани умови“ – во списанието Litarary Yard

4. „Јaжето на Јoже“ – во списанието Adelaide Books

5. „Анксиозни сништа“ – во антологијатата Fleshes of nightmare во Индија.

Види повеќе