×

Кошничка

Вашата кошничка е празна.




Чудна средба

Чудна средба

Митко Маџунков


Издавач: ТРИ
Автор: Митко Маџунков
ISBN: 9786082303031
Жанр: Кратки раскази
Провери достапност во продавниците
Достапност во продавниците
Книжарница ТРИ Веро Центар Достапно
Книжарница ТРИ Дебар Маало Достапно
250 ден.

Речиси сите раскази на Митко Маџунков во книгата Чудна средба се на прилично високо книжевно ниво пишувани со бирана и негувана фраза и со јасен непретенциозен разбирлив стил. Без какви било непотребни украси изнасиленост извештаченост и псевдопоетски конструкции неговата реченица звучи зрело и испробано што не е ниту малку безначаен податок кога се зборува за првата книга на еден млад писател.
Предраг Палавестра

Прозата на Митко Маџунков целосно е надвор од оној тек во кој работат повеќето помлади белградски раскажувачи... Расказите во Чудна средба се чинат како тајни пораки од самиот вруток на едно маѓепсано, но и уметничко доживување.
Љубиша Јеремиќ

Расказите од Чудна средба почнуваат најчесто со многу детали, со уводни реченици чии средства на опишување, по својата исцрпност и прецизност, се дури блиски до една реалистичка школа. Но почетната опширност е само една стапица што ја готви оваа проза... По првите подолги описи во уводот, писателот почнува да брза, да ја скратува фабулата со низа скокови, да го намалува бројот на деталите на минимум. Текот на раскажувањето станува сè погуст и позбиен, секвенциите сè пократки; на крајот е последната ситуација – кратка и блескотна небаре осветлена од молња... Тоа е една фантастика што не сака да биде контролирана.
Влада Урошевиќ

 

Митко Маџунков

Митко Маџунков

Митко Маџунков е македонски романописец, раскажувач, драмски автор и есеист. Митко Маџунков е роден во Струмица на 19 март 1943 година. Основното и средното образование ги завршил во родниот град, а дипломирал на Филолошкиот факултет во Белград, на групата светка книжевност со теорија на книжевноста. По дипломирањето, тој останал да живее во Белград и долго време работел како библиотекар-советник во Библиотеката на град Белград, каде што се пензионирал. Во 1970 година станал член на Здружението на писатели на Србија, од 1986 година е член на Друштвото на писателите на Македонија, а исто така, тој е член на Друштвото на независни писатели. Во 2006 година, Маџунков се преселил во Македонија. Во 2003 година бил избран за член на МАНУ надвор од работниот состав, а во 2007 станал редовен член на МАНУ.

Својот пробив на литературната сцена Маџунков го постигнал во Белград и долго време бил потценет во Македонија. Сепак, подоцна, таа неправда била исправена и, како признание на високиот квалитет на неговата проза, Маџунков бил избран за член на Македонската академија на науките и уметностите.

Основна одлика на творештвото на Маџунков е епскиот карактер на неговите романи. Неговите романи се големи по обем при што тие се испреплетуваат помеѓу себе. Оттука, некои главни и епозодни ликови се провлекуваат во повеќе негови романи. Притоа, во изборот на ликовите и ситуациите, Маџунков често внесува автобиографски елементи. Тој пишува во манирот на јужноамериканскиот волшебен реализам, т.е. во неговите дела провејуваат чудни настани, необјасниви случки, необични ликови итн. Сепак, многу често во неговите дела се вметнати ликовите, местата и легендите од струмичкиот крај.

Види повеќе