| Достапност во продавниците | |
|---|---|
| Книжарница ТРИ Дебар Маало | Достапно |
| Книжарница ТРИ ГТЦ | Достапно |
| Книжарница ТРИ Веро Центар | Достапно |
Во нашиот бучен свет во кој никогаш ништо не застанува, за време на пандемијата за првпат ноќе замираше сѐ.
„Во тивка самотна ноќ“ е несекојдневна книга по многу нешта. Таа е збирка лични приказни од едно тегобно време што донесе драматични промени во нашите животи. Време кога се боревме со реални и метафорични вируси, кога го браневме својот личен простор од неговото сè понападно ограничување. Меѓутоа тој чуден период истовремено ни донесе и ретка можност да останеме сами со себе и да ја слушнеме тишината. И во таа тишина да си ги слушнеме мислите, да се нурнеме во сеќавањата, да се видиме и себеси и околниот свет од една сосема поинаква перспектива.
Тематски, расказите најчесто не се поврзани со пандемијата, ниту се однесуваат на неа. Со сите случувања – од секојдневни до такви што се граничат со апсурдност, со сета богата галерија на ликови, како и со наменските одлични илустрации на Ладислав Цветковски, оваа книга е сведоштво за издржливоста и моќта на човекот да се избори и со најнеочекуваните и најтешките ситуации и повторно да се крене над нив со обновени сили, како феникс што полетува од пепелта.
Веб страницата користи колачиња за да ви овозможиме најдобро можно корисничко искуство. Со продолжување на користењето на нашата интернет страница ја прифаќате употребата на колачиња (cookies).
Се согласувам
