| Достапност во продавниците | |
|---|---|
| Книжарница ТРИ Дебар Маало | Достапно |
„Времето ќе ја истресе тишината“ е амалгам од едноставност, бунтовност и лиричност. Или, со други зборови кажано, оваа книга наликува на тој што ја пишува, односно, можеби поточно е да се каже: му приличи и му доликува, а тоа ја прави веродостојна и стварна.
– Ѓоко Здравески
Со илустрации од свои фотографии, Мане Манушев ги прикажува формата, структурата и текстурата на современата поезија на разбирлив, осмислен и духовит начин. Неговиот глас во рамки на уметностите е современ и уникатен: глас што заслужува не само да биде чуен туку и да одекне насекаде.
– Крег Фергусон
Со тон на меланхоличен бунтовник, Мане Манушев го води читателот низ вознемирувачките пејзажи на неприпадноста, несигурноста и неизвесноста, во меѓупростори што не можат да се именуваат, каде што се судираат месечината и фаровите од автомобилите, асфалтот и небото. Талкањето во постојан расчекор со хаотичната денешница не е безопасно и проследено е со постојан, повремено придушен крик по смисла.
– Иван Шопов
Веб страницата користи колачиња за да ви овозможиме најдобро можно корисничко искуство. Со продолжување на користењето на нашата интернет страница ја прифаќате употребата на колачиња (cookies).
Се согласувам
