| Достапност во продавниците | |
|---|---|
| Книжарница ТРИ Веро Центар | Достапно |
| Книжарница ТРИ ГТЦ | Достапно |
| Книжарница ТРИ Подвижна | Нема на залиха |
| Книжарница ТРИ Дебар Маало | Достапно |
Поезијата на Виолета Танчева-Златева се доживува како сведоштво на длабоко проживеано искуство прикажано во прочистен поетски дух. Лирскиот наратив диспонира вибрации од доживувања до мислења, од пофалби на еротското и телесното до меланхолични увиди во состојбите на танатосот – колку катарзично зашто сѐ минува низ болката, толку и исцелително зашто останува бледа линија на лузната како зарасната рана.
Главни адути на стихозбирката „На ти со Ерос и Танатос“ се прецизна структурна осмисленост, згуснати и продлабочени тематски јадра кои се преобразуваат во непосреден и сугестивен пев остварен низ нишките на сетилното и реалното преку богата метафора, симболите, поетската игривост и асоцијативност. Во оваа внимателно организирана книга читателот ќе наиде на мотивска разгранетост, густ, но контролиран и сериозен израз кој совршено ги отсликува емоциите давајќи им посебен јазичен колорит.
Славе Ѓорѓо Димоски
Виолета Танчева-Златева умешно, автентично и игриво ја преиспитува парадигмата на љубовта и припадноста, на присуството и отсуството, на загубата и надежта, на суштината на меѓупартнерските односи, на животот како разминување. На сопствениот предизвик да ги преточи во стихови таа одговара во нејзин стил: максимално искрено, луцидно и беспоштедно, небаре со Ерос и Танатос во живо води разговор за душата, телото и духот.
Лидија Димовска
Веб страницата користи колачиња за да ви овозможиме најдобро можно корисничко искуство. Со продолжување на користењето на нашата интернет страница ја прифаќате употребата на колачиња (cookies).
Се согласувам
