Понекогаш доаѓа среќа

Винка Саздова

Издавач: ТРИ
Автор: Винка Саздова
ISBN: 9786082301389
Жанр: Домашни автори
Провери достапност во продавниците

Достапност во продавниците
Книжарница ТРИ Веро Центар	Достапно
Книжарница ТРИ Дебар Маало	Достапно
Книжарница ТРИ ГТЦ	Достапно
Книжарница ТРИ Подвижна	Достапно
Книжарница ТРИ Ист Гејт	Достапно

250 ден.

Додади во кошничка

Краток опис

Младата Гора е заплеткана во необични сестрински односи со Ведра. Давид по разводот опсесивно се врзува за своето синче. Средбата меѓу девојката и зрелиот човек навестува љубов но не им ги олеснува животите. Во насловот се насетува среќен крај ама до него треба да се стаса низ многу пречки болни интимни соочувања и преиспитувања… низ созревање.Овој роман само навидум се движи по еднонасочен колосек. „Попатните станици“ го прават богат и слоевит непредвидлив возбудлив… (...Љубовта те прави свесен за неименливиот недостиг...)

„Оваа загадочна исповед во нашите раце не е љубовен роман. Или барем не претендира да биде. Таа ги допира најранливите места на нашата склоност да се приврзуваме за сенките и одблесоците на она што замислуваме дека сме. Местата каде што започнува секое наше суштинско прогонство... и, одново пронаоѓање.“отец Методиј Златанов

Винка Саздова

Винка Саздова е родена на 10 август 1956 година, во Стрезовце, Република Македонија. Има завршено Филозофски факултет во Скопје, на Катедрата по психологија. Била новинар во Културната редакција на дневниот весник „Вечер“ и уредник за култура во „Република“.

Работела како соработник во издавачката куќа „Култура“, а потоа како директор и главен уредник на ЗУМПРЕС. Во 1999 година го основа Издавачки центар ТРИ и во следните десет години е негов главен уредник.

Од 2009 година се посветува на пишувањето и оттогаш ги има објавено романите Последниот чај (2009), Полиња со диви нарциси (2011), Понекогаш доаѓа среќа (2013), Луна (2015) и Вилино (2019). Уште со првиот роман создава своја читателска публика, а нејзините книги досега се објавени во над 35 изданија. Последниот чај е воедно најуспешниот роман на Издавачки центар ТРИ со 14 изданија, а преведен е и на српски, хрватски и бугарски јазик.

Двапати е прогласена за најчитан автор – во 2012 година од НУБ „Св. Климент Охридски“, а во 2014 година од Градската библиотека „Браќа Миладиновци“.

Живее и твори во Скопје и Охрид.

Види повеќе