| Достапност во продавниците | |
|---|---|
| Книжарница ТРИ ГТЦ | Нема на залиха |
Ова е книга за сите борци. Книга за луѓето кои не се откажуваат. Книга за луѓето кои ја гледаат светлината и во најтемните моменти на животот.
Од авторот на Се гледаме на врвот и Стравот, ни доаѓа уште една книга која ќе нè соочи со себе, со сопствените стравови, изговори, самонаметнати граници и откажувања, но и ќе ни покаже како да ги ослободиме своите потенцијали и да го достигнеме личниот максимум.
Затекнат од загубата на многу блиска личност и соочен
со кршливоста на животот, Петров решава да напише книга-обраќање, како потсетување дека животот се живее, а не се случува. Оваа книга е силно освестување за да се разбудиме и да не го земаме животот здраво за готово, туку од него да направиме искуство вредно за живеење, приказна вредна за споделување, живот по наша мера. Споделувајќи ги своите животни искуства, иницијациски предизвици, мисли и размисли, авторот ни раскажува како да се соочиме со парализирачкиот страв и со предизвиците што ни ги сервира животот, како да се справиме со луѓето кои нè повредуваат... Како да не се откажуваме од своите соништа, да го најдеме мирот и да направиме подобра верзија од себе.
Правилото е едноставно. Ништо во нашите животи нема да се промени ако не се промениме себеси.
Коста Петров е меѓународно докажан претприeмач, автор и мотивациски говорник низ целиот свет. Основач е на „Пи Ворлд“, водечка креативна агенција со канцеларии во Скопје и во Монтреал. Агенцијата е организатор на некои од најголемите светски бизнис- настани во 40 земји низ светот и редовно соработува со најголемите глобални брендови. За својата работа и својот придонес во индустријата, Петров двапати беше избран за еден од највлијателните луѓе во индустријата за настани од страна на „Конгрес магазин“. Коста Петров е автор на пет книги. Со над 50.000 продадени примероци од нив, тој е еден од најпродаваните македонски автори во последните десет години. Живее во Скопје.
Веб страницата користи колачиња за да ви овозможиме најдобро можно корисничко искуство. Со продолжување на користењето на нашата интернет страница ја прифаќате употребата на колачиња (cookies).
Се согласувам
