Терај си го плугот по коските на мртвите

Олга Токарчук

Издавач: Антолог-Боокс ДООЕЛ
Автор: Олга Токарчук
ISBN: 9786082434728
Жанр: Трилери
Провери достапност во продавниците

Достапност во продавниците
Книжарница ТРИ Ист Гејт	Нема на залиха
Книжарница ТРИ Веро Центар	Нема на залиха
Книжарница ТРИ Дебар Маало	Достапно
Книжарница ТРИ ГТЦ	Достапно

350 ден.

Додади во кошничка

Краток опис

Јанина живее во зафрлено полско село. Мрачните зимски денови ги поминува проучувајќи астрологија и преведувајќи поезија од Вилијам Блејк. Таа се грижи за летните резиденции на богатите граѓани на Варшава. Нејзиниот углед на талкач и повлечена жена ја нагласува склоноста да ги одбере животните пред луѓето.

Одеднаш соседот е пронајден мртов. Набрзо се откриваат и други трупови во сè почудни околности. Како што растат сомнежите, Јанина се впушта во истрагата…

Провокативно истражување на матните граници меѓу разумот, лудилото, правдата, традицијата, автономијата и судбината.

Дефиниран како еден од најангажираните романи на Токарчук, во поглед на уделот на човештвото во уништувањето на светот. Во овој роман таа вешто го употребува добропознатиот книжевен манир на поврзување на „низок“ жанр, трилерот, со големите амбиции, односно филозофско-моралните прашања што се однесуваат на современиот свет.

Според романот е снимен и филмот „Триумфален улов“ на режисерката Агњешка Холанд, кој во 2018 г. на Берлинскиот филмски фестивал ја доби наградата „Сребрена мечка“.

Авторката е добитничка на Нобеловата награда за литература за 2018 година.

Олга Токарчук

Олга Токарчук е истакната полска прозаистка и есеистка, добитничка на Нобеловата награда од областа на литературата за 2018 г. и на меѓународната награда „Букер“ 2018 за романот „Талкачи“. Родена е на 29 јануари 1962 г. во Сулехув, западна Полска.

Ценета е како авторка и од критичарите и од читателите. Претставува книжевен феномен на популарноста и добриот вкус, на знаењето и пишувачката вештина, на филозофската длабочина и мајсторството на раскажувањето. Обожавател е на Јунг, познавач на филозофијата и на мистичните науки, студирала психологија на Варшавскиот универзитет.

Токарчук е активен критичар на општеството и потписник на многу протестни писма и декларации во врска со ограничувањата на човековите права.

Авторка е на десетина романи, од кои најзначајни се: „Правек и другите времиња“ (1996), кој своевремено претставуваше врв на новата полска книжевност и со кој се проби како еден од најзначајните полски писатели; „Талкачи“ (2007), со кој ја добива најпрестижната полска награда „Нике“ и „Јаковлевите книги“, кој се смета за ремек-дело на нејзиното творештво и за кое по вторпат ја добива наградата „Нике“. Други нејзини романи се: „Патувањето на луѓето на книгата“, „Е. Е.“, „Дневен дом, ноќен дом“, „Ана Ин во гробниците на светот“ и „Терај си го плугот по коските на мртвите“, „Емпузијон“. Авторка е и на повеќе збирки раскази и есеи, како и на текстови на неколку илустрирани книги.

Види повеќе