| Достапност во продавниците | |
|---|---|
| Книжарница ТРИ Веро Центар | Достапно |
| Книжарница ТРИ ГТЦ | Нема на залиха |
| Книжарница ТРИ Дебар Маало | Достапно |
НАГРАДА „ИСИДОРА СЕКУЛИЌ“
Користејќи се со фолклорот и со искуствата на некои од големите руски писатели, Маџунков, со силата на својот талент даде неколку извонредни раскази, како што се, на пример: „Во автобусот“, „Неволите на Павле“, „Има ли можност да останеме живи“, „Смртта на Јонски“, „Игранка“, „Лихнидски очи“. Во целата своја збирка, а особено во овие раскази, Маџунков дава проза со автентичен творечки потег, цврсто чувствување на стварноста и иронично-гротескен однос кон човечката егзистенција и судбина.
Ширејќи ја сферата на стварноста до бесконечност и истовремено ширејќи ја сферата на фантастичното до крајните граници на стварноста, Митко Маџунков создаде раскази со антологиска вредност, како „Убиј го зборливото куче“ и „Мирисот на земјата“, целиот циклус раскази за Иљо М., потоа расказите „Циркус“ и „Во автобусот“. Предраг Протиќ
На Маџунков му поаѓа од рака во неочекуваните споеви на крајно оддалечените искуства да го пресврти баналното во исклучително, познатото во ново и зачудувачко. Тој дарува впечатливост и форма на она што во човековото доживување на вредноста е најмалку видливо и најмалку подложно на обликување. Љубиша Јеремиќ
Книгата „Убиј го зборливото куче“ се разликува од повеќето збирки раскази на денешните писатели по тоа што е забележливо разновидна и тематски и по наративната постапка. Митко Маџунков со оваа книга се вброи во оние писатели чиишто текстови можат да се препознаат – по особената атмосфера, по односот кон реалноста, по сопствената логика, по ритамот на раскажувањето, по јазикот. Чедомир Мирковиќ
Книгата „Убиј го зборливото куче“ открива писател со една необична свежина, или, што е подобро кажано, творец со необично лесна рака на кој лесно му се даваат баналните содржини и сложените сфаќања на човековите копнежи. Благоје Јастребиќ
Во секоја реченица на Маџунков има нешто непредвидливо, каков што е и самиот живот. Расказите „Големиот Смок“, „Смртта на Јонски“, „Крај“, „Снег“, „Галеби“, „Лихнидски очи“ и „Утро“, ни го разоткриваат спојот на реалното и нереалното како земјин крстозбор...Адам Пуслојиќ
Светот на прозите на Маџунков, реален и фантастичен, не е затворен во тесен регион... Проширен на селската и на градската средина подеднакво, зафатен со минатото и сегашното време, а свртен кон иднината, предаден на сонот, фантастиката, фолклорот и реалноста, тоа е свет на широки, токму невидени граници и тоа богатство е најголемата скапоценост на оваа книга. Божидар Милидраговиќ
Митко Маџунков е македонски романописец, раскажувач, драмски автор и есеист. Митко Маџунков е роден во Струмица на 19 март 1943 година. Основното и средното образование ги завршил во родниот град, а дипломирал на Филолошкиот факултет во Белград, на групата светка книжевност со теорија на книжевноста. По дипломирањето, тој останал да живее во Белград и долго време работел како библиотекар-советник во Библиотеката на град Белград, каде што се пензионирал. Во 1970 година станал член на Здружението на писатели на Србија, од 1986 година е член на Друштвото на писателите на Македонија, а исто така, тој е член на Друштвото на независни писатели. Во 2006 година, Маџунков се преселил во Македонија. Во 2003 година бил избран за член на МАНУ надвор од работниот состав, а во 2007 станал редовен член на МАНУ.
Својот пробив на литературната сцена Маџунков го постигнал во Белград и долго време бил потценет во Македонија. Сепак, подоцна, таа неправда била исправена и, како признание на високиот квалитет на неговата проза, Маџунков бил избран за член на Македонската академија на науките и уметностите.
Основна одлика на творештвото на Маџунков е епскиот карактер на неговите романи. Неговите романи се големи по обем при што тие се испреплетуваат помеѓу себе. Оттука, некои главни и епозодни ликови се провлекуваат во повеќе негови романи. Притоа, во изборот на ликовите и ситуациите, Маџунков често внесува автобиографски елементи. Тој пишува во манирот на јужноамериканскиот волшебен реализам, т.е. во неговите дела провејуваат чудни настани, необјасниви случки, необични ликови итн. Сепак, многу често во неговите дела се вметнати ликовите, местата и легендите од струмичкиот крај.
Види повеќеВеб страницата користи колачиња за да ви овозможиме најдобро можно корисничко искуство. Со продолжување на користењето на нашата интернет страница ја прифаќате употребата на колачиња (cookies).
Се согласувам