| Достапност во продавниците | |
|---|---|
| Книжарница ТРИ Веро Центар | Нема на залиха |
| Книжарница ТРИ Ист Гејт | Нема на залиха |
| Книжарница ТРИ ГТЦ | Достапно |
| Книжарница ТРИ Дебар Маало | Достапно |
Во форма на прашања и одговори, книгата упатува и одговара речиси на сите прашања покренати од будизмот во текот на изминативе 2500 години. Книгата на читателите лаици им дава правилен вовед во будизмот, додека пак на научниците има дава насоки за подлабоко проучување на будизмот. Таа, исто така, на луѓето на коишто кинескиот не им е мајчин јазик, а сакаат да учат за будизмот, особено за кинескиот будизам, им дава сеопфатен преглед.
„Основите на будизмот: прашања и одговори“ е плод на долгогодишното проучување на будизмот од страна на Џао Пучу, кој е еден од најголемите експерти за будизмот во Кина. Книгата содржи пет поглавја: Буда и потеклото на будизмот, Суштината на буда дхама и будистичката канонска литература, Сангхата и следбениците на Буда, Подемот, падот и воскреснувањето на будизмот во Индија и Ширењето, развојот и еволуцијата на будизмот во Кина. Повеќето будистички термини во оваа книга се дадени и на оригиналниот пали јазик и во превод. Некои будистички термини во оригиналниот кинески текст се дадени или на пали или санскрит, но овде, во ова издание, по избор на авторот, се дадени само на пали. Причината за оваа промена е поради тоа што будистичките текстови се појавиле најпрвин на пали, а подоцна на санскрит. Во текстот се користат двете кратенки: с. (санскрит) и п. (пали). На крајот на книгата е објавен додаток со будистички термини на пали, македонски и на кинески јазик.
Веб страницата користи колачиња за да ви овозможиме најдобро можно корисничко искуство. Со продолжување на користењето на нашата интернет страница ја прифаќате употребата на колачиња (cookies).
Се согласувам
