Посакувам да си тука

Франсеск Миралјес

Издавач: ТРИ
Автор: Франсеск Миралјес
ISBN: 9786082301105
Жанр: Бестселери
Провери достапност во продавниците

Достапност во продавниците
Книжарница ТРИ Подвижна	Нема на залиха
Книжарница ТРИ Веро Центар	Достапно
Книжарница ТРИ Ист Гејт	Достапно
Книжарница ТРИ ГТЦ	Достапно
Книжарница ТРИ Дебар Маало	Достапно

380 ден.

Додади во кошничка

Краток опис

Љубовта те чека зад следниот агол, дури и кога сè ти изгледа безнадежно

Даниел е успешен архитект чиј живот изгледа беспрекорно. Сè до неговиот триесетти роденден. Тогаш неговата свршеница го остава за друг човек и совршениот свет се урива до темел.

Потонат во личниот бродолом, тој го слуша цедето што му го подарува единствената пријателка што ја има. Слушајќи го албумот „Посакувам да си тука“ на Ева Вентер, именуван според најпознатата песна на „Пинк Флојд“, нешто чудно одекнува во него. Во многу од нумерите ја препознава својата лична биографија.

Свесен дека нема веќе што да изгуби, трогнатиот Даниел носи необична одлука: без никому да јави, заминува за Париз, каде што живее Ева Винтер. Зашто му се чини дека со неа споделува многу заеднички работи. Додека си го открива вистинскиот идентитет – и патем љубовта на својот живот – на површина ќе исплива една огромна премолчувана тајна која ќе измени сè...

Франсеск Миралјес

Франсеск Миралјес е современ шпански писател и музичар. Роден е во 1968 година, во Барселона. Откако завршил германистика, уредувал и превел низа книги со духовна и психолошка тематика. Пишува книги за млади, патописи и статии.

Негови најзначајни дела се: „Зимска книга“, „Хаику за Алисија“ (награда „Ангулар“), „Барселона блуз“, „Летен курс во Ирска“, „Интерреил“ (награда „Колумна хове“ во 2006 година), „Разговор за среќата“, „Љубов со мали букви“, „Најубавото место на светот е тука“, „Ваби саби“ „Посакувам да си тука“.

Блиска тема му е и јапонската древна умешност и начин на живот, па заедно со Ектор Гарсија објавуваат три книги поинакви од романите што ги пишува. „Икигаи“ ги открива тајните на јапонската долговечност, а „Ичиго-ичие“ ја раскажува приказната за јапонската практика на целосно живеење во секој миг, а неодамна, во 2022 година се прославија со уште еден заеднички наслов „Намасте“, посветени на индискиот пат кон среќата, задоволството и успехот.

Миралјес има и свои музички албуми. А интересно е дека научил да свири пијано додека работел во едно кафуле.

Денес се смета за еден од најпознатите современи шпански автори.

Види повеќе