Синови, ќерки

Ивана Бодрожиќ

Издавач: Антолог-Боокс ДООЕЛ
Автор: Ивана Бодрожиќ
ISBN: 9786082437149
Жанр: Романи
Провери достапност во продавниците

Достапност во продавниците
Книжарница ТРИ Ист Гејт	Достапно
Книжарница ТРИ Дебар Маало	Достапно

400 ден.

Додади во кошничка

Краток опис

Романот „Синови, ќерки“ низ три различни перспективи ја раскажува приказната за заклученоста: општествената, семејната, интимната.

Перспективата на ќерката која по сообраќајна несреќа останува неподвижна, без можност да зборува, закована за болнички кревет. Физички ограничена, а свесна за себеси, таа е осудена да живее преку своето сеќавање.
Перспективата на синот, заробен во тело кое не го чувствува за свое, во доделена улога која отсекогаш му била туѓа, присилен да го трпи неразбирањето и малтретирањето од околината за да може да живее автентично и според сопствените желби.
Перспективата на мајката, уништена од насилниот патријархат, порасната со забрани и ограничувања, во свет во кој нема простор за нејзините желби и потреби.
Овие три ликови се вмрежени во приказната во која секој има право на сопствената вистина, на својата болка и на својата желба да преживее. Деца кои копнеат по потврда од родителите, синови и ќерки кои сакаат да бидат прифатени во општеството, родители обликувани од стравот поради кој ги повредуваат своите деца.
Силата на овој роман е во можноста потиснатото во нас да го преобликуваме и да го направиме двигател на личната и на општествената промена.

Ивана Бодрожиќ

Ивана Бодрожиќ (1982) е хрватска писателка. Родена е во Вуковар, каде што живеела сè до 1991 година. Магистрирала кроатистика во Загреб. Како поетеса дебитирала во 2005, а првата прозна книга ја објавува во 2010 година. За своите книги е добитничка на повеќе награди, меѓу кои и: „Меша Селимовиќ, „Киклоп“, „Едо Будиша“, „Улис При“ (Франција) и други. Преведена е на дванаесет јазици. Во 2017 година ја потпишала Декларацијата за заеднички јазик на Хрватите, Србите, Бошњаците и Црногорците. Нејзиниот роман „Хотел Загорје“ е поставен во театарот „Гавела“ од страна на Аница Томиќ. Живее во Дуго Село близу Загреб.

Види повеќе