Акција

Приказни од кафулето

Тошиказу Кавагучи

Издавач: ТРИ
Автор: Тошиказу Кавагучи
Повез: Мек повез
Јазик: Македонски
Број на страни: 186
Година на издавање: 2024
Димензија: 12.5 x 19.5 cm
ISBN: 9786082309606
Жанр: Романи
Провери достапност во продавниците

Достапност во продавниците
Книжарница ТРИ Подвижна	Достапно
Книжарница ТРИ Веро Центар	Достапно
Книжарница ТРИ Ист Гејт	Достапно
Книжарница ТРИ Дебар Маало	Достапно
Книжарница ТРИ ГТЦ	Достапно

299 ден. ~~380 ден.~~

Заштедувате 81 ден.

Додади во кошничка

Краток опис

Годишните времиња се движат во круг. Исто и животот. Минува низ тешки зими, но на крајот, секогаш доаѓа пролет.

Не можеме да видиме што навистина се крие во срцето на другиот. Кога тонеме во своите грижи, стануваме слепи за чувствата на најблиските. А кога конечно ќе се разбудиме, посакуваме да ги смениме нештата. Што ако навистина постои место во кое можеме да се вратиме во времето?

Во приказната на Тошиказу Кавагучи постои едно кафуле во кое можеме да се вратиме во времето. Но притоа мораме да следиме неколку правила, инаку патувањето може да заврши фатално. Најзначајно е дека треба да се вратиш во сегашноста пред да се излади кафето и дека не смееш да го менуваш минатото. Дали е разумно да се враќаш во времето ако не можеш да го промениш?

Во оваа книга ќе сретнеш неколку ликови кои го прифаќаат предизвикот. Тие ќе те премислат. Ќе ти откријат дека враќањето во времето навистина има смисла, дури и ако подразбира само одново доживување на истиот миг. На крајот, ќе видиме дека во тоа е и суштината – да го живееме секој миг како да нема да се повтори никогаш повеќе.

„Ретко се среќаваат вакви приказни кои завршуваат со искрени солзи радосници.“

Њујорк тајмс

Тошиказу Кавагучи

Тошиказу Кавагучи е јапонски драматург, во книжевниот свет прославен со својот прв роман „Пред да се излади кафето“.

Роден е во Осака, во 1971 година. Ја формирал театарската група „Соник снејл“ (или „Полжавот Соник“). Како драматург е познат по драмите „Пар“ (Couple), „Песна на зајдисонцето“ (Sunset Song) и „Време за семејството“ (Family Time).

Романот „Пред да се излади кафето“ во 2017 година е номиниран за Книга на годината во Јапонија, а неговата драмска верзија ја добива Големата награда на драмскиот фестивал во Сугинами (Suginami Drama Festival grand prize). Во 2018 година книгата доживува и филмска адаптација во режија на Ајуко Цукахара.

Со оваа своја прва книга Кавагучи станува претставник на магичниот реализам во Јапонија. Истовремено, таа е и огледало на неговите театарски вештини. Засега е преведена на 34 јазици, но со ширењето на славата на овој современ писател низ светот, овој број постојано се зголемува.

Види повеќе