Влијание

Роберт Б. Чалдини

Издавач: ТРИ
Автор: Роберт Б. Чалдини
ISBN: 9786082309736
Жанр: Популарна психологија
Провери достапност во продавниците

Достапност во продавниците
Книжарница ТРИ Подвижна	Достапно
Книжарница ТРИ Веро Центар	Достапно
Книжарница ТРИ ГТЦ	Достапно
Книжарница ТРИ Ист Гејт	Достапно
Книжарница ТРИ Дебар Маало	Достапно

690 ден.

Додади во кошничка

Краток опис

Класика за влијанието и убедувањето, безвременска книга што треба секој да ја прочита

Класика за психологијата на убедувањето и за правилно користење на нејзината моќ. Зошто луѓето прифаќаат некои работи, а одбиваат други, и како да се применат овие сфаќања? „Влијание“ е задолжително четиво за секој кој сака да го разбере процесот на донесување одлуки. Суштинска книга во канонот на психологијата, финансиите и бихевиоралниот маркетинг.

Роберт Чалдини е психолог кој ја инспирира вештината за убедување, за да станете ефективен лидер, но и да не паѓате лесно во замките на убедувачите. Преку интересни примери од научните истражувања и од практиката, ни ги претставува шесте универзални принципи на влијание:

Реципроцитет, или старото добро „јас тебе, ти мене“
Обврзаност и доследност: непоколебливо работење на донесената одлука и цел
Социјална потврда: колку повеќе луѓе го поддржуваат нашиот став, толку тој се смета за поправилен
Допаѓање: колку повеќе ни се допаѓаат, толку повеќе се согласуваме со луѓето
Авторитет: поверојатно е да се согласиме со лицата кои имаат поголемо знаење, стручност или искуство
Недостиг: попосакувано е она што е помалку достапно.

„Влијание“ е сеопфатен водич за ефективно користење на овие принципи, со цел да се зголеми вашата способност за промена на однесувањето на луѓето во посакувана насока.

„Феноменална книга! Сакате да ја зголемите продажбата, да постигнете подобра зделка или да си ја подобрите врската – ‘Влијание’ ви нуди научно проверени принципи што можат да ви го променат животот.“

д-р Даниел Л. Шапиро

„Кога би можеле да прочитате само една книга за тоа како да бидете поефикасни во бизнисот и животот, јас би ја избрала ‘Влијание’“.

Кејти Милкман

Роберт Б. Чалдини

Роберт Б. Чалдини е современ американски психолог и истражувач кој се прослави со својата книга „Психологија на влијанието“, дело за манипулативните техники што се користат за придобивање на луѓето и нивната согласност.

Роден е на 27 април 1945 година, во Милвоки, Висконсин. Се школувал на универзитетите во Висконсин и Северна Каролина, како и на Колумбискиот Универзитет. Работел како професор по психологија и маркетинг на Државниот универзитет во Аризона и како гостин професор по маркетинг, бизнис и психологија на Универзитетот Станфорд. Во 1996 г. бил претседател на Друштвото за социјална психологија и психологија на личноста. Во 2009 година ја завршува својата истражувачка дејност, останувајќи почесен професор на Државниот универзитет во Аризона.

Неговата книга „Влијание: психологија на убедувањето“ се објави во 1984 година, заснована врз тригодишни „прикриени“ обуки во областите продажба на автомобили, организации за собирање средства и фирми за телемаркетинг, за да може одблизу да ги набљудува реалните ситуации на убедување. Така, открива дека влијанието се заснова врз шест клучни принципи: реципроцитет, посветеност и доследност, социјална потврда, авторитет, допадливост и недостиг. Во 2016 година додава уште еден – принципот на сличност. Колку повеќе се идентификуваме со другите, толку поголема е веројатноста да паднеме под нивно влијание. Книгата е продадена во над пет милиони примероци и е преведена на педесетина јазици. Се најде на списокот на најпродавани книги на „Њујорк тајмс“, а „Форчан“ ја наведува во нивните „75 најпаметни деловни книги“. Исто така, се вбројува меѓу 50 класични дела од областа на психологијата.

Една од другите книги на Чалдини, „Да! 50 научно докажани начини да се биде убедлив“, беше исто така бестселер на „Њујорк тајмс“, а книгата „Малото ГОЛЕМО: мали промени што предизвикуваат големо влијание“ беше книга на годината на „Тајмс“. Во 2016 година ја објави „Пред-убедување: скриените механизми на ефикасното влијание“, која стана бестселер на „Њујорк тајмс“ и на „Волстрит џорнал“.

Има добиено повеќе награди за својата работа во областа на социјалната психологија и психологијата на потрошувачите. Според него е именувана наградата што ја доделува Друштвото за лична и социјална психологија за психолошки истражувања што ја покажуваат општествената важност на користењето теренски методи. Во април 2019 година е избран за член на Националната академија на науките.

Види повеќе