| Достапност во продавниците | |
|---|---|
| Книжарница ТРИ ГТЦ | Достапно |
| Книжарница ТРИ Дебар Маало | Достапно |
Ново, подобрено издание на познатата книга раскази од Акутагава.
Рјуносуке Акутагава творел во почетокот на дваесеттиот век. Тој живеел кратко, но успеал да направи целосен пресврт во тогашната јапонска книжевност. Бил модернист со префинет израз, главно инспириран од човековата природа. Според првиот расказ од овој избор „Во коријата“, во кој се раскажува грозничавата приказна за убиството на еден самурај, и тоа преку видувањата на сведоците, вклучувајќи го и духот на убиениот, култниот јапонски режисер Акира Куросава го сними филмот „Рашомон“ ‒ една надреалистичка криминалистичка драма што нуди неколку верзии на ист настан од различни перспективи. Басноликиот расказ „Каша од јам“ говори за чувствата што се поврзуваат со имањето желби и со нивното исполнување, дури и по цена на понижување, па кај читателот предизвикува нејасни емоции кон главниот лик, но и преиспитување на сопствените желби и вредности. Во „Маченикот“, драгиот сирак одгледан од језуитските свештеници е прогонет кога одбива да признае дека забременил една локална девојка и успева да си ја поврати нивната љубов и почит само по цена на неговиот живот. Сите шест приказни во збирката го прикажуваат Акутагава како мајстор во раскажувањето и како исклучително возбудлив глас на модерната јапонска книжевност.
Веб страницата користи колачиња за да ви овозможиме најдобро можно корисничко искуство. Со продолжување на користењето на нашата интернет страница ја прифаќате употребата на колачиња (cookies).
Се согласувам
