Улиците што ги нема

Оливера Ќорвезироска

Издавач: Или-Или
Автор: Оливера Ќорвезироска
ISBN: 9786084770824
Жанр: Кратки раскази
Провери достапност во продавниците

Достапност во продавниците
Книжарница ТРИ ГТЦ	Достапно
Книжарница ТРИ Дебар Маало	Достапно
Книжарница ТРИ Веро Центар	Достапно
Книжарница ТРИ Ист Гејт	Нема на залиха

250 ден.

Додади во кошничка

Краток опис

Во расказите од оваа мудро замислена и мајсторски реализирана книга на Оливера Ќорвезироска луѓето живеат во улиците чиишто некогашни имиња ги одвеал наумничавиот ветар на историјата. Градот во кој тие улици некогаш постоеле е Скопје, бездруго е Скопје, и улиците бездруго некогаш ги носеле имињата што ги спомнува Ќорвезироска. Се’ е конкретно, мошне проверливо и цврсто вкотвено во реалноста. Но овие раскази никако не би смееле да ги разбереме само како сентиментален ламент по некогашните белези на градот. Ќорвезироска успева, на еден извонредно деликатен и ненаметлив начин, да ни сугерира дека судбините на тие луѓе кои живееле во „улиците што ги нема“ се по некој невидлив, но сепак, неумоливо насочен пат поврзани со исчезнувањето на некогашните називи. Секој од овие извонредно заокружени раскази, а и сите заедно, како целина, ни кажуваат дека промашеноста, напразноста и ефемерноста на тие животи е во некаква тајна, длабока врска со непостојаноста и минливоста на имињата што ја означувале нивната адреса и некогаш претставувале цврст репер на нивното постоење.

Влада Урошевиќ