| Достапност во продавниците | |
|---|---|
| Книжарница ТРИ Веро Центар | Достапно |
| Книжарница ТРИ Дебар Маало | Достапно |
Жестоко и имагинативно исплетен натприроден трилер, за девојка која работи како дадилка на детенце со чудни и вознемирувачки тајни.
Мелори Квин тукушто излегува од рехабилитација и наоѓа ангажман кај брачната двојка Тед и Керолајн Максвел: ќе го чува нивниот петгодишен син Теди. Мелори веднаш ја засакува работата. Има свој простор каде што живее, навечер излегува да трча, ја добива стабилноста по која одамна копнее. Искрено и топло се поврзува со Теди, мило и срамежливо детенце вечно со блок и со молив в раце.
Неговите цртежи се обични: тој црта дрвја, зајаци, балони. Но, еден ден, ќе нацрта нешто сосема поинакво: маж кој во некоја шума влече по земја безживотно тело на жена.
По ова, сите следни цртежи стануваат сè позлокобни, несмасно нацртаните човечиња од неговите први обиди брзо се менуваат и стануваат живописни скици кои далеку ги надминуваат цртачките способности на петгодишно дете. Мелори почнува да се прашува дали тие можеби се одеци од едно дамнешно нерасчистено убиство, а можеби и се поврзани со некоја натприродна сила.
Мелори знае колку звучи лудо сето тоа, но се нафаќа да ги дешифрира овие цртежи и да го спаси Теди пред да стане предоцна.
Џејсон Рекулак е автор на Невозможната тврдина, наслов преведен на дванаесет јазици и номиниран за наградата „Едгар“. Долги години бил издавач на независното издание „Квирк букс“, и преку оваа работа откупил права и бил уредник на бројни најпродавани наслови на Њујорк тајмс. Со семејството живее во Филаделфија.
Види повеќеВеб страницата користи колачиња за да ви овозможиме најдобро можно корисничко искуство. Со продолжување на користењето на нашата интернет страница ја прифаќате употребата на колачиња (cookies).
Се согласувам
