| Достапност во продавниците | |
|---|---|
| Книжарница ТРИ Дебар Маало | Достапно |
| Книжарница ТРИ Веро Центар | Достапно |
| Книжарница ТРИ ГТЦ | Достапно |
Верзијата на Барни е роман напишан во вид на мемоари на главниот јунак Барни Пановски кој со многу хумор и човечка топлина раскажува за својот живот исполнет со интриги чудни пријателства предавства луксуз и загуба. Романот го води читателот на незаборавно патување во Париз во педесеттите години на XX век а подоцна и низ улиците на Монтреал Њујорк и Торонто следејќи го возбудливиот живот на Барни. Тој на својот типично шеговит начин раскажува за своето семејство за своите три жени и трите деца за многубројните пријатели и непријатели... Но во средината на целата приказна се наоѓа и мистеријата поврзана со убиството на неговиот најдобар пријател за кое тој е единствениот обвинет...
Верзијата на Барни е најпознатиот бестселер на канадскиот писател Мордекај Ришлер. Според сценарио напишано од самиот автор, во 2010 година е снимен истоимен филм кој, исто како и книгата, се смета за современа класика.
Мордекај Ришлер (1931–2001) е еден од најзначајните автори во современата канадска литература. Работел како новинар, а подоцна почнал да пишува раскази, романи, патописи, есеи, филмски сценарија и проза за деца. Неговите дела на специфичен начин го отсликуваат канадското современо општество, особено задржувајќи се на релациите помеѓу англофонската и франкофонската заедница, а исто така и на многубројната еврејска имиграција во Канада.
Ришлер е автор на десет романи, помеѓу кои како највпечатливи се издвојуваат: Учењето на Дади Кравиц (1959), Џошуа тогаш и сега (1980), Соломон Гарски беше овде (1989) и Верзијата на Барни (1997). Дел од своите романи Ришлер ги адаптирал во филмски сценарија и според нив се снимени неколку успешни холивудски филмови.
За неговите дела, Мордекај Ришлер е добитник на најголемите книжевни признанија на Канада.
Види повеќеВеб страницата користи колачиња за да ви овозможиме најдобро можно корисничко искуство. Со продолжување на користењето на нашата интернет страница ја прифаќате употребата на колачиња (cookies).
Се согласувам
